زہِ نصیب حرام و حلال سے واقف۔۔۔

urdu Poetry

 زہِ نصیب حرام و حلال سے واقف۔۔۔

میرا شعور ہے دنیا کی چال سے واقف۔۔۔

لباسِ جسم کو انجام کی خبر ہی نہیں۔۔۔

ہے میری روح مگر انتقال سے واقف۔۔۔

تکبرانہ یہ لہجہ یہ ہی بتاتا ہے۔۔۔

تیرا عروج ہے تیرے زوال سے واقف۔۔۔

مثال اوروں کی دینگے وہ کیوں زمانے کو۔۔۔

جو مصطفؐی کی ہیں ہر اک مثال سے واقف۔۔۔

اسی نے بھر دیے کاسے میں طنز کے جملے۔۔۔

وہ جبکہ تھا میرے دستِ سوال سے واقف۔۔۔

یہ قہقہوں کے مسافر بھی عمر بھر نہ رہے۔۔۔

کسی کے غم نہ رنج و ملال سے واقف۔۔۔

ضرورتوں کو میں پڑھتا تھا جسکے چہرے سے۔۔۔

وہ ہو سکا نہ کبھی میرے حال سے واقف۔۔۔

میں اسلیے بھی تو شایان صبر کرتا ہوں۔۔۔

خدا کی ذات ہے میرے خیال سے واقف۔۔۔