![]() |
Urdu Poetry |
ﺑﮩﺘﺎ ﮨﮯ ﮐﻮﺋﯽ ﻏﻢ ﮐﺎ ﺳﻤﻨﺪﺭ ﻣﺮﮮ ﺍﻧﺪﺭ
ﭼﻠﺘﮯ ﮨﯿﮟ ﺗﺮﯼ ﯾﺎﺩ ﮐﮯ ﺧﻨﺠﺮ ﻣﺮﮮ ﺍﻧﺪﺭ
ﮐﮩﺮﺍﻡ ﻣﭽﺎ ﺭﮨﺘﺎ ﮨﮯ ﺍﮐﺜﺮ ﻣﺮﮮ ﺍﻧﺪﺭ
ﭼﻠﺘﯽ ﮨﮯ ﺗﺮﮮ ﻧﺎﻡ ﮐﯽ ﺻﺮﺻﺮ ﻣﺮﮮ ﺍﻧﺪﺭ
ﮔﻤﻨﺎﻡ ﺳﯽ ﺍﮎ ﺟﮭﯿﻞ ﮨﻮﮞ ﺧﺎﻣﻮﺵ ﻓﺮﺍﻣﻮﺵ
ﻣﺖ ﭘﮭﯿﻨﮏ ﺍﺭﮮ ﯾﺎﺩ ﮐﮯ ﮐﻨﮑﺮ ﻣﺮﮮ ﺍﻧﺪﺭ
ﺟﻨﺖ ﺳﮯ ﻧﮑﺎﻻ ﮨﻮﺍ ﺁﺩﻡ ﮨﻮﮞ ﻣﯿﮟ ﺁﺩﻡ
ﺑﺎﻗﯽ ﻭﮨﯽ ﻟﻐﺰﺵ ﮐﺎ ﮨﮯ ﻋﻨﺼﺮ ﻣﺮﮮ ﺍﻧﺪﺭ
ﮐﮩﺘﮯ ﮨﯿﮟ ﺟﺴﮯ ﺷﺎﻡ ﻓﺮﺍﻕ ﺍﮨﻞ ﻣﺤﺒﺖ
ﭨﮭﮩﺮﺍ ﮨﮯ ﺍﺳﯽ ﺷﺎﻡ ﮐﺎ ﻣﻨﻈﺮ ﻣﺮﮮ ﺍﻧﺪﺭ
ﺁﯾﺎ ﺗﮭﺎ ﮐﻮﺋﯽ ﺷﮩﺮ ﻣﺤﺒﺖ ﺳﮯ ﺳﺘﻢ ﮔﺮ
ﭘﮭﺮ ﻟﻮﭦ ﮔﯿﺎ ﺁﮒ ﺟﻼ ﮐﺮ ﻣﺮﮮ ﺍﻧﺪﺭ
ﺍﺣﺴﺎﺱ ﮐﺎ ﺑﻨﺪﮦ ﮨﻮﮞ ﻣﯿﮟ ﺍﺧﻼﺹ ﮐﺎ ﺷﯿﺪﺍ
ﮨﺮﮔﺰ ﻧﮩﯿﮟ ﺣﺮﺹ ﻭ ﮨﻮﺱ ﺯﺭ ﻣﺮﮮ ﺍﻧﺪﺭ
ﮐﯿﺴﮯ ﺑﮭﯽ ﮨﻮﮞ ﺣﺎﻻﺕ ﻧﻤﭧ ﻟﯿﺘﺎ ﮨﻮﮞ ﮨﻨﺲ ﮐﺮ
ﺳﻨﮕﯿﻦ ﻧﺘﺎﺋﺞ ﮐﺎ ﻧﮩﯿﮟ ﮈﺭ ﻣﺮﮮ ﺍﻧﺪﺭ
ﻣﯿﮟ ﭘﻮﺭﮮ ﺩﻝ ﻭ ﺟﺎﻥ ﺳﮯ ﮨﻮ ﺟﺎﺗﺎ ﮨﻮﮞ ﺍﺱ ﮐﺎ
ﮐﺮ ﻟﯿﺘﺎ ﮨﮯ ﺟﺐ ﺷﺨﺺ ﮐﻮﺋﯽ ﮔﮭﺮ ﻣﺮﮮ ﺍﻧﺪﺭ
ﻣﯿﮟ ﮐﯿﺎ ﮨﻮﮞ ﻣﺮﯼ ﮨﺴﺘﯽ ﮨﮯ ﻣﺠﻤﻮﻋۂ ﺍﺿﺪﺍﺩ
ﺗﺮﺗﯿﺐ ﻣﯿﮟ ﮨﮯ ﮐﻮﻥ ﺳﺎ ﺟﻮﮨﺮ ﻣﺮﮮ ﺍﻧﺪﺭ
ﮐﮍﮬﺘﺎ ﮨﮯ ﮐﺒﮭﯽ ﺩﻝ ﮐﺒﮭﯽ ﺭﮎ ﺟﺎﺗﯽ ﮨﯿﮟ ﺳﺎﻧﺴﯿﮟ
ﮨﺮ ﻭﻗﺖ ﺑﭙﺎ ﺭﮨﺘﺎ ﮨﮯ ﻣﺤﺸﺮ ﻣﺮﮮ ﺍﻧﺪﺭ
ﮨﻢ ﺷﮑﻞ ﻣﺮﺍ ﮐﻮﻥ ﮨﮯ ﮨﻢ ﺯﺍﺩ ﻭ ﮨﻢ ﺭﺍﺯ
ﺭﮨﺘﺎ ﮨﮯ ﮐﻮﺋﯽ ﻣﺠﮫ ﺳﺎ ﮨﯽ ﭘﯿﮑﺮ ﻣﺮﮮ ﺍﻧﺪﺭ
ﺟﺐ ﺟﺐ ﮐﻮﺋﯽ ﺍﻓﺘﺎﺩ ﭘﮍﯼ ﮐﮭﻞ ﮔﯿﺎ ﮐﺎﺷﺮؔ
ﺍﻟﮩﺎﻡ ﮐﺎ ﺍﮎ ﺍﻭﺭ ﻧﯿﺎ ﺩﺭ ﻣﺮﮮ ﺍﻧﺪﺭ
0 Comments